【星二代開學】陸永細女小一開學悶悶不樂　兩夫妻親力親為湊返學

育有2個女的陸永，轉眼間已是小學生，細女陸一心（Simsim）今年升讀小一，與大女陸一穎（Hannah）讀同一間本地學校。媽媽陳莉娜（Reina）在IG分享了Simsim的開學照，見到兩夫妻親自接送返學，但Simsim個樣嬲爆爆，似乎未適應小學生活。

陸永和Reina對女兒開學十分緊張，購買了同款紫色新書包給兩姊妹，開學日更出動兩夫妻一同湊返學，Simsim拖實爸爸的手上學步伐輕鬆。

▲ 陸永拖實細女去開學。（相片來源︰Reina's IG）

不過，Simsim一返到學校就坐在課室後排，悶悶不樂的樣子，令Reina非常擔心，稱女兒在她眼中仍是一名BB。

連喺屋企去廁所都要人陪，如果佢喺學校要去廁所點算？

▲ 陸永兩姊妹現入讀同一間本地學校。（相片來源︰Reina's IG）

陸永大女讀本地學校成績好

有姐姐Hannah的陪伴下，相信Simsim好快可以融入新生活。Hannah的小學成績理想，有次中文考試99分全班最高分、英文、常識及數學科都分別有97分、93分及90分，令父母非常驚訝，因為他們從沒有期望女兒要考取甚麼成績，有80分已不錯，最重要有盡力，Reina曾分享道︰

重要係學習過程認真，唔係結果出嚟嘅分數幾高。

▲ 陸永經常接送女兒返學放學及上興趣班。（相片來源︰Reina's IG）

陸永早前接受TOPick訪問時提到拒做虎爸，不會對小朋友施予壓力，小一報名及選校過程都相當輕鬆，沒有很多面試。Hannah升小一時，只報考了3間學校，獲2間本地學校取錄，另1間最後沒有面試；今年Simsim受惠於姐姐，入讀同一間小學。

小一已請補習老師

2名女兒在幼稚園時入讀位於九龍城區的念蘅幼稚園，是2015年創校的新派學校，設有蒙特梭利課程培養自主學習。故陸永女兒升上本地學校小一，銜接不容易，故聘請了補習老師每周為女兒補習，主要溫習過去一周的課堂內容。